Кыргыз Эл артисти Жамал Сейдакматова көз жумду.

Кыргыз Эл артисти Жамал Сейдакматова 82 жаш курагында 16-февраль түнү саат үчтө оорудан улам дүйнө салды
Жамал Сейдакматова 1939-жылы Ысык-Көлдүн Темировка айылында туулган.
Сейдакматовага Кыргыз ССРнин Эл артисти, Токтогул атындагы мамлекеттик сыйлыктын лауреаты жана экинчи даражадагы «Манас» ордени ыйгарылган.

Актриса эгемендик жылдары алгачкылардан болуп көз карандысыз "Туңгуч" театрын негиздеген.
Андан сырткары, «Акбаранын көз жашы», «Караш-Караш окуясы», «Ак илбирстин тукуму» жана башка бир катар тасмаларда, спектаклдерде ролдорду жараткан.